ما هو قرارك لو عرض عليك التوكيل استبدال الفتيس الـ Mmt بالفتيس الاوتوماتيك العادى مو 2007
1- اوافق فورا بغض النظر أنه بوفر فى استهلاك البنزين
2- لا اوافق لانى اتعودت على طريقة القيادة بالفتيس Mmt
ما هو قرارك لو عرض عليك التوكيل استبدال الفتيس الـ Mmt بالفتيس الاوتوماتيك العادى مو 2007
1- اوافق فورا بغض النظر أنه بوفر فى استهلاك البنزين
2- لا اوافق لانى اتعودت على طريقة القيادة بالفتيس Mmt
موضوع غريب هل ممكن للوكيل ان يقوم باستبدال السيارة بموديل اخر فتيس اتوماتيك عادي
واذا كان المعلومه صحيحه فهل يكون ذلك بفرق فلوس وايضا معني ذلك وجود عيب بفتيس السيارة
سؤال اخير هل هناك فرق في استهلاك البنزين الفتيس Mmt عن فتيس اتوماتيك عادي
السادة الافاضل--- السلام عليكم ورحمة الله وبركاته
اولا سواقة السيارة Mmt هي هي نفس سواقة الفتيس الاتوماتيك العادي في وضع E -
والفرق انه فتيس مانويل مبني اساس انه مانيوال - باسطوانه ام الاتوماتيك فلهو وضع اخر - ومن خلال معلومات العامه عن الفتيس الاتوماتيك انه عمره الافتراضي ليس كبير - ولكن بالملاحظ ان تويوتا الياباني لها امكانيات عاليه جدا مما يعني انه ذات عمر افتراضي كبير
هل احد بيوافقني في ذلك - وارجو ايضا من لهم خبرة ميكانيكيه بالسيارات ان لا يبخلو بخبرتهم في توضيح ذلك
أوافق فورا بغض النظر عن التوفير فى استهلاك البنزين
انا عندي العربية بقالها 8 شهور دلوقتى
بصراحه هيا ممتازة بس أكتر حاجه كانت مضايقانى فيها أول ما سوقتها هى الفتيس MMT بس بعد كده أكتشفت أنه كويس، ليه بقى؟؟
هو ايه مشكلته؟ انه مابيسحبش كويس؟؟ طب ماهو انت لو سايق فى وسط البلد مش عايز سحب أوي؟ أصلا اللي بيعمله انه بيغير النقلات تقريبا على 2500 RPM و ده فعلا بيوفر جامد فى البنزين.
طلعت عالدائري و عايز سحب؟؟ اقلبها SPort mode و حتنقل على 5000 و بتسحب جامد.
مش عاجبك ده ولا ده؟؟ أقلبها مانيوال و العب بمزاجك :)
لا أنا ماغيروش لا بمانوال ولا أوتوماتيك. اللي يفكر صح بدون ما يتسرع يلاقيه هو الأحسن و الأوفر خصوصا البنزين بقى ب 185 قرش
فيه فرق فى حالة وضع الـ E لصالح فتيس الـ MMT لكن فى وضع الـ ES فارق التوفير حيكون للأتوماتيك العادى
سواقة الاتوماتيك العادى أو الستيب ترونيك ليست نفس سواقة فتيس الـ MMT لإن الأتوماتيك العادى أو التيب ترونيك ما بتحسش فيه بالنقلة عكس الـ MMT بتحس فيه بتقصيره واضحة جدا فى النقلة كأنك دوست فرامل و قت النقلة و دا من تجربتى للكرولا
فعلا دى الميزة الوحيد لوضع الـ E هو توفير البنزين على حساب راحة و الإحساس بالنقلة
فعلا حتسحب لكن على حساب ميزة الفتيس و هى توفير البنزين
يعنى فقدت ميزة الفتيس الـ MMT
فى حالة المشى دائما فقط على وضع الـ E وليس المانيوال أو الـ ES
THANKS TO ASHRAFE51, TMRBASET AND SHARKY
i finally started to read real feadback about the
mmt transmission of toyota.
i think this thread is best about the topic among the 10 threads made last month.
hope to keep it focused on the objective which is feedback for spreading the info for all readers not just trying to proof what you chose is the best.
بذمتك ده كلام منطقي :) يعنى أنا ماشي بقى بالعربية أرجرج بقالي داخل على سنه و أنا مش واخد بالي :shyy: . كل مالفتيس ينقل العربية تفرمل و بعد ما تنقل تمشي. دي حتي العربيه تمشي ترقص.
كل ما في الموضوع زي ماقلنا مليون مرة إن الفتيس ده مبني عالمانيوال. و إنت لما بتنقل فى المانيوال بتعمل ايه؟ بتدوس دبرياج و تفصل الموتور عن الجير بوكس. ماهو ده بالظبط اللي بيحصل هنا. بس إنت عشان فى المانيوال انت اللي بتدوس بنفسك فبتكون متوقع ده يحصل ساعتها. لكن فى الكورولا لو انت سوقت العربيه مرة أة اتنين حتقول ايه ده الموتور بيفصل؟؟!!
و ماهياش تقصير ولا فرمله عموما
مامعنى كلمة حضرتك إن الموتور بيفصل !!!
أن الموتور بيزيد فى السحب لما يجى ميعاد النقلة و لا لما يجى ميعاد النقلة و إنت دايس بنزين ماتلاقيش أى سحب وقتها !!!
حضرتك دا كلام ملاكها مش كلامى انا
اقتباس:
i totally agree with you ,one of my friends has this car and he had the same issues , i didn't believe him and he invited me to drive the car myself , i was surprised to see such transmission problem , we asked TOYOTA egypt about this and they said the same , they said that the transmission on this car is not totally automatic, it's a kind of manual transmission but with automatic clutch ! , that means that it's not an fully automatic trasmission like any other car , and this typr of transmission should give you the power of manual and the ease of automatic, but it actualy doesn't , the motor stalls when you are shifting , that means if you are taking a turn on an average speed , and you want to accelerate after that , the car might slow down other than accelerate ,which might confuse the car behine you thinking that you hit the breaks , this could cause accidents of course !
some people say that if you switch on the sports mode the problem can be solved partially , but i'm not sure of that and of course you can't put sports mode on all the time because that will consume more benzine
finally if you switch the manual mode , the manual mode is ok , but what's the point from driving an automatic car in manual mode all the time ! you should by a manual car instead !!
اقتباس:
في مشكلة تاني طبعا زي ما قلت ان العربية ممكن متجبش الاول ولاقي صوت المتور علي وممكن يوصل لحد 4000 ر ب م ةالعربية لسة علي الاول فبطر اشيل رجلي من علي الدواسة وادوس فرامل او اغير من اتوماتك مود الي مانيول مود وبعدين ارجع تاني اتوماتك, انا قةلتلهم علي المشكلو دة بردة قالولي في الاول هنطلع حد معال يبص عليها وبعد كدة جية مهندس تاني وقالي في بعد الناس اشتكت من نفس المشكلة بردة وهما هيبعتوا تقرير اليابان بالمةضوع دة وعلي اي حال نستني لحد صيانة ال 5000 كيلو , دة كان ردهم, حد يصدق الكلام دة بردة في عربية جديدة والثمن دة؟؟؟؟؟؟؟؟؟؟؟
اقتباس:
- E
وده النظام الاقتصادى الذى بوفر البنزين وده اللى الناس كانت بتستخدمه واشتكوا من ان السحب بطىء طبعا النظام مبرمج ان العربيه تنقل بسرعه وانت ماشى بطىء حتى يكون الموتور مستريح قوى وعدد لفاته قليل فيوفر بنزين جامد ده معناه انك تبقى ماشى على 50 والعربيه على الرابع تضغط بنزين علشان تزود السرعه تلاقى السحب بطىء جدا وهنا مصدر الشكوى وعلى فكره النظام ده مبرمج انه ينقل براحه بين النقلات يعنى بيتاخر شويه فى النقل (بياخد راحته يعنى عند النقل علشا ن كدا الناس قالت فيه نتشته ولكنها مش نتشته هى مجرد تاخر فى النقل)
عن نفسى لا افضل النظام ده لانه بالرغم من توفيره للبنزين الا انه بطىء فى السحب والنقل
اقتباس:
السيارة عندما تبدا الحركة على Eفانها تتصرف بدلا منك لتقليل الاستهلاك عن طريق تقليل العزم وتسريع الانتقال حتى انك تفاجا بانك على السعة الخامسة ولم تتعد السرعة 70 او 80 كلم وهنا موضع اللبس الذى حدث فعند تهدئة السرعة عند المطبات ثم الضغط على بدال البنزين للتسارع فان السيارة لاتستجيب بشكل مرضى ويحدث مانسميه العربية بتخسع او تنتع اوتفقد القدرة على التجاوب وهذا يضايق معظم السائقين وللخروج من هذه الحالة فالامر يحتاج الى بعض الصبر والمهارة والتعود وذلك برفع القدم مباشرة فى اخر المطب وليس الضغط ثم فى خلال ثانية الى اثنتين يعاد الضغط مرة اخرى وكانك تسوس(تسايس)سيارة مانيوال ويتكرر ذلك على فترات قصيرة عندما تحس ان السيارة تنقل بنفسها وهى فعلا كذلك لانها تنقل عن طريق حساس وكلتش الكترونى مبرمج على هذه الطريقة فلا داعى لمعاندة هذا السوفت وير (لان دماغه ناشفة جدا) وهذا النمط مبرمج للقيادة داخل المدن والاماكن المزدحمة لانك لاتحتاج اثناء ذلك الى تسارع اوقوة
اقتباس:
طريقه استخدام الفتيس اولا النتشه الي بتحصل بين النقله و النقله دي نتيجه ان الكمبيوتر بيفصل الحركه(يدوس دبرياج) و ينقل ويرجع يسيب الدبرياج وممكن نقلل الاحساس بها عن طريق حساسيه الرجل علي دواسه البنزين عندما ندوس علي دواسه البنزين بخفه(رجلك خفيفه) الي بيحصل ساعتها ان العربيه بتنقل للنقله التاني و الثالثه و تجيب الرابع و لسه العربيه سرعتها مجبتش 50 كم فبنحس ان عزم العربيه عزمها ضعيف جدا و ضايع لان بتكون واخده الرابع و سرعتها لسه 50 كم و العربيه بتعمل كده لان الكمبيوتر بيفهم انك عاوز تمشي براحه و بكده بيوفر في استهلاك البنزين يبقي لازم رجلك تكون ثقيله شويه علي البدال لو مش عاوز ده يحصل معاك نيجي بقي لنقطه النقل لما بندوس علي البدال العربيه بتاخد سرعه الاول و الار بي ام بيعلى طول ما انت كابس علي الدوازه العربيه مش هتنقل و هتفضل تحرق علي الغيار لان الكمبيوتر بكبسك علي الدواسه بيفهم انك عاوز تحرق علي الغيار لازم ترفع رجلك سنه بسيطه جدا عن الدواسه عشان العربيه تنقل للغيار الي بعده(اكنك بترفع رجلك من علي البنزين و الكمبيوتر بيدوس دبرياج و ينقل بدل منك و ترجع تدوس بنزين تاني)
يعنى الكلام منطقى لكن كلامك هو إللى غير منطقى يا بيه
مش مشكلتى إنك مش عايز تعترف بموضوع التقصيرة إللى ملاكها أعلنوا وجودها فى الكرولا ما عدا حضرتك !!!
الموتور بيفصل دي كانت كلمة ضحك بس انت كالعاده عملت منعا موضوع و 40 إقتباس :)
أنا قصدي إن أي عربيه مانيوال لازم تحس فيها بفصل الجير بوكس عن الموتور (ده لاااااازم مش بمزاجنا ، لأنه المانيوال كده) و دي من الأخر مانيوال بتنقل أوتوماتيك.
الإقتباسات اللى انت جايبها أنا مش شايف فيها مشكله هو ده (تقريبا) اللي بيحصل فى الmode E اللي قلنا انه مناسب للسواقة فى المدينه. والله بقى اللى عايز يسوق على 240 وسط البلد يجيب Es أو أحسنله يجيب فيراري. أنا شايف أن الكلام ده يدل على ميزة توفير البنزين مش عيب الفتيس
و الكلام برضه بيأكد كلامى إنه بين كل نقلة فيه تقصيره أو نتشة واضحة و دى بتدى إحساس كان العربية بتفرمل بين النقلات لإن السحب بين النقلات بيقل
مفيش فايده :)
خلاص يا شاركي انت صح :) أقول إيه بس يمكن اللى عندي مش كورولا وأنا مش واخد بالي
و عموما كده نفهم من حضرتك إن كل العربيات المانيوال فيها تقصيرو بنحس بفرمله مابين نقله و التانيه عشان نقلة الجير و الدبرياج وكده. مع إن كل عربيات السباق مانيوال :)
ايوه يا باشا انت بتخدع نفسك ... مش معنى ان بقالك سنة سايق العربية انك بقيت خبير فى العربية و مش بتحس برجرجة ... حضرتك ركز بس شويه و صفى زهنك و انت سايق و اطفى الكاسيت و ما تكونش متقل فى الغدا و صدقنى حتحس بالرجرجة :36_7_7[1]:...
تحب ابعتلك لينكات و اللا حتعمل اللى بقولك عليه ... انا حفضل وراك لحد ما تعترف انها بترجرج
:confused:
لا يا بيه العملية مش انا صح كل الحكاية إن فى المانيوال إنت ما بتبقاش دايس بنزين و إنت بتنقل لكن فى فتيس الـ MMT النس فاهمه إنه أتوماتيك بيبفضل يدوس بنزين حتى لما ميعاد النقلة بيجى فالى بيحصل إن التقصيرة دى بيحس بيها لكن فى المانيوال إنت بتنقل فى الوقت إللى بتختاره فبتعرف تشيل رجلك من البنزين هو دا الفرق الواحد لازم يشيل رجله من البنزين وقت النقلة زى ما السيارة المانيوال بيحصل فيها علشان ما تحسش بالتقصيرة دى و هو دا إللى أنا بقوله يا ترى حضرتك فهمتنى و لا برضه لسه أتمنى تكون فهمتنى بدل ما إنت بتحاول تقنع نفسك إن بقولك حاجة مش موجودة فى عربيتك رغم إن ملاكها قالوا الكلام إللى بقوله !!!
ياريت إللى بيتكلم يكون فاهم انا بقول إيه و يعرف مين قال كلمة الرجة و يكون قرأ رأى ملاكها و اللينكات أو حتى يكون جرب العربية بدل ماهو ببتريق من غير فهم لكلامى
اقولها لحضرتك بطريقة تانية
لما حضرتك تبقى ماشى بالكرولا و يجى وقتت النقلة بتعمل إيه ؟
1- بتفضل دايس بنزين
2- بتشيل رجلك من على دواسة البزين
حاضر يا باشا نصحتك على راسى .
فى حد قال لك قبل كده ان كونترول ال mmt بيفصل الانجكشن لما بينقل و ان الزياده فى ال rpm علشان فصلت الحمل من على الموتور لما الدبريج بشتغل؟؟؟ ..
يا عم شاركي أنا قلت إنت صح أرد على إيه بقى.. إذا كنت إنت بتقول إنني بحاول أقنع نفسي بحاجه مش موجوده فى عربيتى رغم إن ملاكها (أللى أنا منهم و إنت مش منهم) قالوا حاجه تانيه.
عموما أنا عارف انني مش حانوصل لنتيجه. لو جبتلك اللي صمم العربيه نفسه صدقنى حاتقوله ده ملاكها بيقولوا كده :)
كل اللي حاقوله انني باسوقها كل يوم و عارف باقول إيه و باحس بإيه. مش مستني حد من ملاكها يقول حاجه :)
يا تامر رد على سؤالى
مش يمكن إجابتك تفهمنى إللى انا مش فاهمه
يعنى كده بتأكد كلامى إن فيه تقصيره فى الفتيس بين النقلات و لا لأ ؟؟
يا تامر
دلوقتى كل ملاكها حتى المؤيدين للفتيس اكدوا إن فيه تقصيره فى الفتيس بين النقلات و حضرتك دلوقتى بتقول مافيش
فأنا حبيت عرف طريقة سواقتك إللى خليتك ما تحسش بالنتقصيره دى علشان بقية الأعضاء يستفيدوا منها
لكن الموضوع مالوش علاقة بإنى صح او غلط
فياريت حضرتك تجاوب على سؤالى علشان كلنا نستفيد
اشهد ان لا اله الا الله ... يا حبيب قلبى ده اسمه Sequential Transmission يعنى فيه دبرياج بيفصل و بعدين تروس بتنقل و بعدين دبرياج يرجع يوصل الحركه ... الكلام ده لما بيحصل سيادتك بتكون دايس على البنزين و لو الانجكشن فضل شغال حتلاقى ال rpm بيعلا لدرجة خطيرة ... علشان كده سيادتك فى العربية المانيوال بتشيل رجلك من على البنزين لما بتدوس دبرياج (وللا سيادتك بتفضل دايس بنزين مع دبرياج؟؟) علشان كده الانجكشن لازم يفصل لما الل mmt ينقل
الموضوع تعود ... لما حضرتك حتسوقها كتير حتتعود ... زى اما كلنا اتعلمنا اول مره نسوق ما كانش فيه توافق بين حركه الرجل اللى دايسه على البنزين و التانيه اللى دايسه على الدبرياج ... وتفضل العربيه تبطل مننا لحد ما نتعود .. ال mmt كده .. لازم تتعود عليه
يارب تكون وصلت
يا بيه أنا فاهم إللى إنت بتقوله
و عمرى ما قلت إن دا عيب فى الفتيس :)
لكن انا بقول إن بيبقى فيه تقصيره فى الفتيس بين النقلات نتيجة للى حضرتك شرحته لكن لقيت حضرتك و الأستاذ تامر بتتريقوا عليه و الأستاذ تامر انكر الكلام دا رغم إن كل ملاكها حتى المؤيدين للفتيس قالوا الكلام دا و انا نفسى لقيته لما جربت الكرولا
لا عفوا ... انا ما ابتدتش اتريق الا لما حضرتك ابتديت توصف اى حد مختلف معاك انه مش بيفهم ...
عموما حقك على راسى
نتكلم عمليا ... هل احسن ان الانجكشن يفضل شغال لما الفتيس ينقل ؟ اكيد لأ ... بمعنى اخر علشان كلامنا يكون عملى ... ايه اللى مطلوب من تويوتا انها تعدله مثلا لو قلنا انهم حيعملو جيل جديد من ال mmt ...
يا باشا انا موصفتش حد بيختلف معايا إنه مش فاهم
و على العموم و لا يهمك حصل خير
انا عارف إنه مش عيب فى الفتيس بتاع تويوتا لإنه مبنى على نظام المانيوال فمش حينفع يعملوه فيه حاجة
لكن متهيألى ممكن ياخروا النقلات شويه عن طريق السوف وير لكن متهيألى فى الحالة دى حيأثر على إستهلاك البنزين
فعلشان كده انا بقول إن الفتيس دا فيه ميزة قلة إستهلاك الوقود لكن على حساب راحة الاتوماتيك و هى عدم الإحساس بالنقلات لإنه مبنى على مانيوال
لكن لو عايز تقلل الإحساس فقط مش نلغيه دا يبقى إنقل على ES لكن دا حيبقى على حساب ميزة الفتيس و هى تقليل إستهلاك الوقود إنه بقى على نظام الـ Sport .
دا إللى عايز أقوله بإختصار إن الفتيس أدائه بالطريقة دى مش عيب فيه لكن مش أى واحد بييركب سيارة اتوماتيك ممكن يقبل الطريقة دى
على فكرة الأسترا و الفكترا نفس فكرة فتيس الكورلا برضه
دا غير إن فيه شكوى منه فى أوربا إن الكمبيوتر المسئول عن النقل فى الفتيس بيهنج و تبقى ماشى على E مثلا يقوم ناقل على N و يفضل كده و دى حصلت لعضو عندنا هنا فى المنتدى و غيرلوا التوكيل كمبيوتر الفتيس
موضوع السوفتوير ده معروف فى كل المنتجات الجديده و تقريبا مافيش عربيه نجت من 3 او 4 software update لحد ما ثبتت ... الميجان اشهر مثال ... من وجهة نظرى اهم تعديل تويوتا لازم تعمله (بس طبعا ما اعرفش انعكاس ده على السعر) انهم يخلو سرعة نقل الغيار اسرع من كده ... فيه دلوقتى جيربوكسات عند AUDI بتنقل فى 3 ميللى ثانيه ... تخيل لو ال mmt بتنقل بالسرعة دى
تحياتى
كلام جميل قوي
يبقى حضرتك لما حد يسأل عن العربيه
قوله جرب العربيه ولو عجبتك يبقى اشتري
مش تقوله ملاكها اللي من شهر 5 اللي فات قالو مش عارف ايه
لأن اللي في الموضوع هنا برضه ملاكها ومبيقولوش حاجه
وبعدين انت سبق وقولت ان الفتيس ده عيب فيه
ثانيا انا عاوز حد يقولي ممكن ازاي حد يعمل فتيس اتوماتيك مبني على مانيوال علشان استهلاك البنزين مش هيعمل تريحة النقلة اللي مش عاجباك دي ؟؟
لو جاوبتني يبقى تمام ومحدش عاد يتكلم عن الفتيس
لو ملقتش اجابة يبقى المفروض منتكلمشي في حاجه متنفعشي تتعمل .................... مش كده ولا ايه
أبو عبدالله يا حبيبى هو المفروض يشوف فقط المعجبين بالعربية من ملاكها و حرام يشوف رأى الغير معجبين بالفتيس علشان حضرتك ماتزعلش !!!
يا راجل حرام عليك لازم بشوف الإتنين و هو يقرر
ابوعبدالله يا حبيبى ركز فى مشاركاتى حتلاقى العيب إللى بقوله فى تهنيج كمبيوتر فتيس الـ MMT لكن مش فى طريقة أدائه
و لو جاوبت تبطل إنت تتكلم عن إنه ماينفعش
طب خد الإجابة من غيرى كمان
يعنى ممكن يا أبو عبدالله تاخد الأتنين ميزة المانيوال مع راحة الأتوماتيك أهه :Y_hi_3[1]:اقتباس:
فيه دلوقتى جيربوكسات عند AUDI بتنقل فى 3 ميللى ثانيه ... تخيل لو ال mmt بتنقل بالسرعة دى
على فكره اللى بيحصل ده مش تهنيج السوفتوير يا شاركى باشا ... ال mmt ذكى جدا ... لو حصل انك شلت رجلك من على البنزين و الفتيس بينقل ال mmt حيعرف انك عاوز N ... علشان كده لازم الرجل تفضل ثابته اثناء النقل ... حتى لو ال rpm زاد ما تخافش علشان الانجكشن بيفصل ... ارتفاع ال rpm لحظى علشان الدبرياج فصل ... صدقنى الحكايه تعود ... وكمان لازم السواق يكون فاهم الفتيس بيفكر ازاى
جيربوكس ال AUDI ممكن يكون بتمن عربية لوحده
بس يا باشا العضو إللى معانا فى المنتدى قال إن التوكيل قالوه إن دا عيب فى كمبيوتر الفتيس و غيروه مجانا غير شكاوى الناس فى إنجلترا من نفس الحركة فى الكرولا الفيرسو !!